ក្រសួងបរិស្ថាន កំពុងរៀបចំនីតិវិធីច្បាប់ បិទមិនឱ្យប្រើប្រាស់ទុយោប្លាស្ទីក

ភ្នំពេញ​៖​ ​ ​ក្រសួងបរិស្ថាន​ ​កំពុង​រៀបចំ​នីតិវិធី​ច្បាប់​មួយចំនួន​ ​ដើម្បី​ឈាន​ទៅដល់​ការ​បិទ​ ​មិន​ឱ្យ​មានការ​ផលិត​ ​ ​និង​ចរាចរណ៍​ ​ទុយោ​ប្លា​ស្ទីក​(​ទុយោ​ប៉ឺត​ទឹក​ប្រចាំថ្ងៃ​)​នៅក្នុង​ប្រទស​កម្ពុជា​ ​ ​ដោយ​ជំនួស​មកវិញ​នូវ​ទុយោ​ធម្មជាតិ​ ​ ​មិន​មាន​ជាតិ​ប្លាស្ទិក​ ​ខណ:ដែល​ការប្រើ​ប្រាស់​ទុយោ​ប្លា​ស្ទីក​នា​ពេល​បច្ចុប្បន្ន​ ​ ​កំពុង​មានការ​កើនឡើង​ ​ ​ដែល​បាន​នឹង​បង្ក​ផល​ប៉ះពាល់​ធ្ងន់​ធ្ង​ដល់​បរិស្ថាន​ ​ ​និង​សុខភាព​។​

​អ្នកនាំពាក្យ​ក្រសួងបរិស្ថាន​ ​លោក​ ​នេត្រ​ ​ភក្រ្តា​ ​បាន​អះអាង​ថា​ ​ការរៀបចំ​នីតិវិធី​ច្បាប់​នេះ​ ​ក្រសួង​ ​មិនទាន់​កំណត់ពេល​នៃ​ការ​ចាប់ផ្ដើម​អនុវត្ដ​នូវ​នៅឡើយ​ទេ​ ​ ​ប៉ុន្តែ​មាន​គោលបំណង​គាំពារ​បរិស្ថាន​ ​ព្រោះ​ផលិតផល​ទុយោ​ប្លា​ស្ទីក​នេះ​ ​ប្រើប្រាស់​តែម្ដង​ហើយ​បោះចោល​ ​ហើយ​វា​បាន​បង្ក​ជា​ហានិភ័យ​យ៉ាងធ្ងន់ធ្ងរ​ដល់​មនុស្ស​ ​សត្វ​ ​បរិស្ថាន​ ​ធនធាន​ធម្មជាតិ​ ​និង​ជីវៈ​ចម្រុះ​ជាដើម​។​

​អ្នកនាំពាក្យ​រូប​នេះ​ ​បញ្ជាក់​ថា​ ​ដើម​ផ្នក់ទឹក​ ​បំពង់​ឬស្សី​ ​និង​ទុយោ​ក្រដាស​ជាដើម​ ​នឹង​ចូល​មក​ជំនួស​ទុយោ​ប្លាស្ទិក​វិញ​។​ ​ទោះជា​ប្រភេទ​ទុ​យោ​ទ​ប្រើប្រាស់​បានតែ​ម្តង​ ​ដូច​ទុយោ​ប្លា​ស្ទីក​ពិតមែន​ ​តែ​វា​មិន​បង្ក​ផល​ប៉ះពាល់​ដល់​បរិស្ថាន​ ​ ​និង​ងាយ​រលាយ​នៅក្នុង​ដី​។​

​សូម​បញ្ជាក់​ថា​ ​ការប្រើ​ប្រាស់​សំណល់​ប្លាស្ទិក​នៅក្នុង​ប្រទេស​កម្ពុជា​ ​ក្នុង​មួយថ្ងៃ​ ​ប្រមាណ​ជា​ ​១ម៉ឺន​តោន​ ​និង​មួយឆ្នាំ​ជិត​ ​៤លាន​តោន​(​២០​%​ ​ជា​សំណល់​ប្លា​ស្ទីក​ ​)​។​ ​ក្នុង​នោះ​ ​រាជធានី​ភ្នំពេញ​ ​ ​ ​មាន​សំរាម​ជាង​ ​៣ពាន់​តោន​ ​ខេត្ត​ព្រះសីហនុ​ ​ជិត១ពាន់​តោន​ ​ខេត្តសៀមរាប​ ​៤រយ​តោន​ ​ក្នុង​ ​មួយ​ថ្ងៃ​ៗ​៕​

ដោយ៖  គង់  ប៊ុនណា

You can share this !

Loading...
អត្ថបទទាក់ទង