×
ព័ត៌មានថ្មី
  1. អំពើ​ឃាតកម្ម​ដ៏​សាហាវ បានកើតឡើង​នៅ​កណ្តាល​ក្រុងស្ទឹងត្រែង
  2. ចាប់ខ្លួន​មេបញ្ជាការ មេបញ្ជាការរង និង​មេប៉ុស្តិ៍​ចំនួន ៤នាក់ នៅ​ខេត្តមណ្ឌលគិរី សង្ស័យ​សមគំនិត​ជាមួយ​ជនជាតិ​វៀតណាម បើកផ្លូវឱ្យ​ចូលមក​កាប់ឈើ​ក្នុង​ទឹកដី​កម្ពុជា
  3. លោក ស៊ុន សុវណ្ណារិទ្ធិ ត្រូវបាន​តែងតាំង​ជា អភិបាលខេត្តកំពង់ឆ្នាំង ជំនួស​លោក ឈួរ ច័ន្ទឌឿន
  4. កម្ពុជា ចាប់ផ្តើម​ប្រើប្រាស់​ប្រព័ន្ធ​គ្រប់គ្រង​ព័ត៌មានថ្មី សម្រាប់​ពង្រឹង​កិច្ចការពារ​កុមារ ខណៈ​ចំនួន​កុមាររស់​ក្នុង​មណ្ឌលថែទាំ បាន​ថយចុះ ៥៩% ធៀប​នឹង ៥ឆ្នាំមុន
  5. ករណីឆ្លង​វីរុស​កូវីដ-១៩ លេីកដំបូង​ប្រហែល​ជា​បានលេចឡេីង​ក្នុង​ប្រទេសចិន​ក្នុង​ខែតុលា ឆ្នាំ២០១៩

ម៉ិកស៊ិក​ជួយសង្គ្រោះ​ជនចំណាកស្រុក​ប្រហែល​២០០នាក់​ពីក្រុមជួញដូរ​មនុស្ស​នៅក្បែរ​តំបន់​ព្រំដែន

ម៉ិកស៊ីកូ៖ ប្រតិបត្តិការចំនួន២របស់អាជ្ញាធរម៉ិកស៊ិកបានជួយសង្គ្រោះជនចំណាកស្រុកចំនួន២០៦នាក់ដែលត្រូវបានឃុំឃាំងដោយក្រុមជួញដូរមនុស្សនៅក្នុងទីក្រុងព្រំដែន ស៊ីអូដាដ វ៉ារេស (Ciudad Juarez) កាលពីថ្ងៃព្រហស្បត៍។

ជនចំណាកស្រុកទាំងនោះមកពីប្រទេសប្រេស៊ីល, អេលសាវ៉ាឌ័រ, ហុងឌូរ៉ាស់, ក្វាតេម៉ាឡា និងម៉ិកស៊ិក។

ថ្លែងទៅកាន់ប្រព័ន្ធផ្សព្វផ្សាយ អាជ្ញាធរក្នុងតំបន់បានរៀបរាប់ឲ្យដឹងថា «ពួកគេត្រូវបានឃុំទុកនៅក្នុងបន្ទប់ឈើយ៉ាងតូចចង្អៀតមួយដែលមិនសាកសមនឹងមនុស្សរស់នៅ។»

ប្រតិបត្តិការនេះបានធ្វើឡើងភ្លាមៗបន្ទាប់ពីដំណើរទស្សនកិច្ចរបស់អនុប្រធានាធិបតីអាមេរិកលោកស្រី កាម៉ាឡា ហារីស (Kamala Harris) ទៅកាន់ប្រទេសម៉ិកស៊ិកដើម្បីដោះស្រាយបញ្ហាអន្តោប្រវេសន៍។

លោកស្រី ហារីស បានព្រមព្រៀងគ្នាជាមួយម៉ិកស៊ិកដើម្បីពង្រឹងទំនាក់ទំនងសេដ្ឋកិច្ចនិងការវិនិយោគដើម្បីកាត់បន្ថយភាពក្រីក្រនៅតំបន់អាមេរិកកណ្តាលនិងទប់ស្កាត់ការធ្វើអន្តោប្រវេសន៍ព្រមទាំងអំពាវនាវឲ្យប្រទេសក្វាតេម៉ាឡាបង្ក្រាបអំពើពុករលួយផងដែរ។

គួរបញ្ជាក់ថា ការធ្វើអន្តោប្រវេសន៍ខុសច្បាប់ចូលក្នុងទឹកដីសហរដ្ឋអាមេរិកបានកើនឡើងបន្ទាប់ពីលោកប្រធានាធិបតី ចូ បៃដិន (Joe Biden) ឡើងកាន់តំណែងកាលពីខែមករាមកដោយធ្វើឲ្យអាមេរិកត្រូវពឹងម៉ិកស៊ិកជួយសាជាថ្មីដើម្បីកាត់បន្ថយលំហូរនេះ៕

អ្នកអាចចែករំលែកដោយ៖

Loading...
អត្ថបទទាក់ទង