×
ព័ត៌មានថ្មី
  1. អំពើ​ឃាតកម្ម​ដ៏​សាហាវ បានកើតឡើង​នៅ​កណ្តាល​ក្រុងស្ទឹងត្រែង
  2. ចាប់ខ្លួន​មេបញ្ជាការ មេបញ្ជាការរង និង​មេប៉ុស្តិ៍​ចំនួន ៤នាក់ នៅ​ខេត្តមណ្ឌលគិរី សង្ស័យ​សមគំនិត​ជាមួយ​ជនជាតិ​វៀតណាម បើកផ្លូវឱ្យ​ចូលមក​កាប់ឈើ​ក្នុង​ទឹកដី​កម្ពុជា
  3. លោក ស៊ុន សុវណ្ណារិទ្ធិ ត្រូវបាន​តែងតាំង​ជា អភិបាលខេត្តកំពង់ឆ្នាំង ជំនួស​លោក ឈួរ ច័ន្ទឌឿន
  4. កម្ពុជា ចាប់ផ្តើម​ប្រើប្រាស់​ប្រព័ន្ធ​គ្រប់គ្រង​ព័ត៌មានថ្មី សម្រាប់​ពង្រឹង​កិច្ចការពារ​កុមារ ខណៈ​ចំនួន​កុមាររស់​ក្នុង​មណ្ឌលថែទាំ បាន​ថយចុះ ៥៩% ធៀប​នឹង ៥ឆ្នាំមុន
  5. ករណីឆ្លង​វីរុស​កូវីដ-១៩ លេីកដំបូង​ប្រហែល​ជា​បានលេចឡេីង​ក្នុង​ប្រទេសចិន​ក្នុង​ខែតុលា ឆ្នាំ២០១៩

សេដ្ឋកិច្ច​ក្រុមប្រទេស G20 វិល​ទៅរក​កម្រិត​មុនពេល​មាន​វិបត្តិកូវីដ-១៩​នៅក្នុង​ត្រីមាសទី១​នេះ

ប៉ារីស៖ អង្គការសម្រាប់ការអភិវឌ្ឍ និងសហប្រតិបត្តិការសេដ្ឋកិច្ច (OECD) បានប្រកាសកាលពីថ្ងៃព្រហស្បតិ៍ថា ផលិតផលក្នុងស្រុកសរុបនៅក្នុងក្រុមប្រទេស G20 បានវិលទៅរកកម្រិតមុនពេលមានវិបត្តិកូវីដ-១៩នៅក្នុងត្រីមាសទី១នៃឆ្នាំ២០២១រួមជាមួយកំណើន៣.៤%បើធៀបនឹងឆ្នាំមុន។

បើធៀបទៅនឹងត្រីមាសទី៤ក្នុងឆ្នាំមុន សេដ្ឋកិច្ចរបស់ក្រុមប្រទេស G20 បានកើនឡើង០.៨%ចាប់ពីខែមករា ដល់ខែមីនា។ ប៉ុន្តែស្ថានភាពសេដ្ឋកិច្ចជាក់ស្តែងនិងនិន្នាការកំណើននៅក្នុងចំណោមបណ្តាប្រទេសជាសមាជិកនៅតែមានភាពខុសគ្នាខ្លាំង។

ទិន្នន័យរបស់អង្គការ OECD បានបង្ហាញថា សេដ្ឋកិច្ចរបស់ប្រទេសចិន, តួកគី និងឥណ្ឌាបានបន្តងើបឡើងនៅក្នុងត្រីមាសទី១ឆ្នាំនេះ ហើយផលិតផលក្នុងស្រុកសរុបរបស់គេបានកើនលើសកម្រិតមុនពេលមានវិបត្តិកូវីដ-១៩តាំងពីត្រីមាសមុន។

ផលិតផលក្នុងស្រុកសរុបរបស់ប្រេស៊ីល, កូរ៉េខាងត្បូង និងអូស្ត្រាលីក៏បានវិលទៅរកកម្រិតមុនពេលមានវិបត្តិកូវីដ-១៩ផងដែរចាប់ពីខែមករា ដល់ខែមីនា។

ប៉ុន្តែសេដ្ឋកិច្ចរបស់បណ្តាប្រទេសជាសមាជិកផ្សេងទៀតនៅកំពុងស្ថិតក្រោមកម្រិតមុនពេលមានវិបត្តិកូវីដ-១៩នៅឡើយដែលក្នុងនោះអង់គ្លេសមានកំណើនអវិជ្ជមានគឺ -៨.៧% និងអ៊ីតាលី -៦.៤% បើធៀបទៅនឹងកម្រិតផលិតផលក្នុងស្រុកសរុបរបស់គេនៅមុនមានការផ្ទុះឡើងនៃជំងឺកូវីដ-១៩។

លើសពីនេះទៀត ជប៉ុន អារ៉ាប៊ីសាអូឌីត អាល្លឺម៉ង់ បារាំង និងសហភាពអឺរ៉ុប ក៏មានកំណើនអវិជ្ជមានផងដែរបើធៀបជាមួយត្រីមាសមុន។

ជារួម ចិនមានកំណើនសេដ្ឋកិច្ចខ្លាំងបំផុតដល់១៣.៨%នៅក្នុងត្រីមាសទី១នេះបើធៀបទៅនឹងឆ្នាំមុន ខណៈដែលអង់គ្លេសបានមើលឃើញពីការធ្លាក់ចុះយ៉ាងខ្លាំងដល់៦.១% នេះបើយោងតាមរបាយការណ៍របស់អង្គការ OECD ៕

អ្នកអាចចែករំលែកដោយ៖

Loading...
អត្ថបទទាក់ទង